Hasan Elahi (Rangpur, Bangladesh, 1972)
Bizitokia eta lantokia: New York.
Web orria: http://elahi.org
Ibilbide artistikoa
Hasan Elahi New Yorken bizi da 1979tik. Diziplina anitzez baliatzen da eta teknologiaren, komunikabideen eta horien ondorio sozialen arteko harremana aztertzen du, bereziki. Zaintza-arazoak, simulatutako denbora, garraio-sistemak eta mugak dira interesatzen zaizkion gaiak. Bere lanak Amerikako Estatu Batuetan, Britainia Handian, Frantzian, Indonesian, Senegalen, Japonian, Hegoafrikan eta Txinan egon dira ikusgai. Kazetaritza eta Giza Zientziak ikasi zituen Cranbrook Academy of Art-en. Gaur egun Ikertzaile Laguntzailea da New Jerseyko Rutgers unibertsitateko Mason Gross School of the Arts-en.
Bakarka egindako azken erakusketak
- Dakar, Senegal (2002).
- “ I´ll do anything” (Elisabeth Condon-ekin batera), PS 122 Hallway, New York, eta Beaker Gallery, Florida (2004).
Sariak
Sari ugari jaso ditu. Azken biak hauek dira: “Outstanding Research Award”, University of South Florida (2003), eta “Arts & Engineering Collaborative Grant”, University of South Florida (2003).
